నా మనసు.. నీ హృదయానికి చిక్కుకుంది.. చూడు

స్వేచ్ఛగా ఎగిరే గాలిపటం
చెట్టు కొమ్మకు చిక్కుకున్నట్టు..
పరుగులు తీసే తువ్వాయ్..
కట్టు కొయ్యకు తగులుకున్నట్టు..
నా మనసు..
నీ హృదయానికి చిక్కుకుంది..

బంధీకావడంలో మాధుర్యం..
చిక్కుకోవడంలోనూ సంతోషం..
నా మనసుకు బాగా వంట బట్టినట్టుంది..
అందుకే..
నేనెంత స్వాతంత్ర్య పోరాటం చేసినా..
నిన్నొదిలి రానంది..
ఏమందు పెట్టావో గానీ
నా మాట అసలు వినకుంది
ఏం నేర్పి పెట్టావో కానీ..
నీ తలపే ఎక్కువైంది..
నా వునికే ప్రశ్నార్థకమైంది..

ఏం చేయను నేనూ రాజీ కొస్తున్నా
నా మనసు బాటనే పడుతున్నా..
అవునన్నా కాదన్నా..
నేను నువ్వయ్యే క్షణం కోసం చూస్తున్నా..

--నాగ్

ద్రాక్షారామం ఆలయం.. సర్ప శిల్పం..

భారతీయ శిల్ప కళా వైభం మన ఆలయాల్లో ప్రతిబింభిస్తూ వుంటుంది..
నిజానికి మన ఆలయాలను కాపాడుకోవడం అనేది
ఆధ్యాత్మికంగానే కాదు.. మన కళలను సంరక్షించుకోడానికి కూడా..
ప్రతి ఆలయంలో ఏదో ఒక ప్రత్యేకత..
నాటి మహానుభావుల గొప్పతనం..
కళా ఔన్నత్యం గోచరిస్తాయి..
అనిర్వచనీయమైన ఆనందాన్నిస్తాయి..
ఆశ్చర్యం గొలుపుతాయి..
అబ్బురం అనిపిస్తాయి..
ద్రాక్షారామం ఆలయం పశ్చిమ గోపురం స్థంభం మీద..
ఈ శిల్పం అధ్బుతమనిపించింది..
మొత్తం రాయి మీద.. చిన్న గీతలా సర్పం..
పట్టి చూస్తే..
తడిమి చూస్తే గానీ కనిపించనంతటి చిన్న సర్ప శిల్పం..
ఆ సర్పం కోసం శిల్పి మొత్తం రాతిని చెక్కాలి..
చిన్నపాటి తేడా వచ్చినా..
శిల్పి కష్టం బూడిదలో పోసిన పన్నీరే..
అది చెక్కడానికి ఎంత నిష్ట.. శ్రద్ద.. ఓపిక కావాలో కదా..
మహానుభావులు అందించిన సంపదని కాపాడుకోడానికి ఆ మాత్రం శ్రద్ధ, ఓపిక మనకి కనిపించడం లేదు..
ఈసారి ద్రాక్షారామం వెళ్తే.. తప్పకుండా ఈ శిల్ప కళా వైభవాన్ని చూడండి..
భక్తి సరే..
కూసింత కళా పోసన కూడా వుండాలి కదా..

--నాగ్
ఫోటో : ద్రాక్షారామ దక్షణ గోపురం స్థంభంపై శిలా సర్పం.. నా వెనుక వున్న స్థంభం పై

నోట్ : కాపీ వద్దు.. షేరే చేయండి.

సముద్రంలో వేట నిషేదం

సముద్ర మత్స్య ప్రియులకి ఒకింత ఇబ్బందే..
ఈనెల 15 నుంచి 45 రోజుల పాటు
కన్యాకుమారి నుంచి కలకత్తా వరకూ ఇదే నిబంధన.
ఆ పిరియడ్ లో సముద్రంలోకి మత్య్సకారులు వేటకు వెళ్లడం నేరం
సో ఆ కాలంలో సముద్రం చేపలు దొరకవు. చెరువు చేపలే దిక్కు..
విషయానికి వస్తే..
ప్రతి సంవత్సరం సముద్రంలో ఈ కాలం లో వేట నిషేదం అమలులో ఉంటుంది
ప్రతి ఏప్రిల్ 15 నుంచీ సముద్రంలోకి వేట బోట్లు వెళ్లడం నేరం
ఆ కాలంలో చేపలు గుడ్లు పెట్టి పిల్లల్ని పొదుగుతాయట. దానికి కనీసం 45 రోజులు పడుతుంది అట.
మర బోట్లు మెకనైజ్ద్ స్టీమర్లు, సముద్రంలోకి వెళ్తే చేపలకు హాని కలుగుతుందని వేటని నిషేదిస్తోంది ప్రభుత్వం.
అయితే సంప్రదాయ నాటు పడవలతో సముద్రంలో కొంత మేర వేటకు అనుమతి వుంది. మిషన్లు వున్న పడవలు వాడకూడదు అంతే..
ఈ నిషేదం కాలంలో మత్య్స కారులు వేటకు వెళ్లితే వారికి రూ.2500వరకూ జరిమానా విధిస్తారు..
పట్టుకున్న చేపల్ని బోటు సహా సీజ్ చేస్తారు. ఒక్కోసారి ఏడాది వరకూ జైలు కూడా వేయొచ్చు.
మత్య్సకారులు సముద్రంలోకి వెళ్లకుండా తీరంలో పోలీసు, మెరైన్, నావీ పోలీసులు గస్తీ తిరుగుతారు
సుమారు రెండు నెలల పాటు చేపలు పట్టేవారికి ఉపాధి వుండదు.
ఆ కాలంలో ప్రభుత్వం నెలకి రూ.2వేలు, 25 కిలోలు పరిహారంగా అందజేస్తుంది..
ఇది ఏ మాత్రం మత్య్స కారులకి సరిపోదు.. అందుకే దొంగ చాటుగా అయినా వేటకు వెళ్లాలని ప్రయత్నిస్తుంటారు.. జరిమానాలు సరే సరి..

సముద్రంలో వేట నిషేదం అమలులో ఉంటుంది.

--నాగ్

ఫోటోలు : ఉప్పాడ జట్టీ దగ్గర పడవను ఒడ్డుకు చేర్చే పని నటిస్తూ..
వేట నిషేదం పై ది హాన్స్ ఇండియా పత్రికలో నా కథనం

మూడు రకాల పుచ్చకాయలు

ముగ్గురు యువకులు..
ఉన్నత చదువులు చదువుకున్నారు..
వ్యవసాయం మీద మక్కువతో
గొల్లప్రోలు మండలం చిన జగ్గంపేట శివారు 18 ఎకరాలు లీజుకు తీసుకుని వ్యవసాయం ప్రారంభించారు.
వాళ్లే విశాఖకు చెందిన ఏజీవీ ప్రసాద్, గొల్లప్రోలుకు చెందిన వీరబాబు, విజయనగరంకు చెందిన ప్రసన్న ఈ ముగ్గురు మిత్రులూ పుచ్చసాగులో ఆధుని పద్దతులు పాటిస్తూ అద్భుతాలు చేస్తున్నారు. 
వీరు ప్రస్తుతం

మూడు రకాల పుచ్చకాయలు పండిస్తున్నారు.
ఎల్లో కింగ్.. ఈ పుచ్చకాయ పైన గ్రీన్ కలర్ వుండి లోపలి గుజ్జు పసుపు రంగులో వుంటుంది
ఎల్లో క్వీన్ .. ఈ పుచ్చకాయ పైన పసుపు రంగులో వుండి లోపల గుజ్జు ఎరుపు రంగులో వుంటుంది
ఏపిల్ మిలాన్ .. ఇది జామ, దోస, ఏపిల్ సంకరం. దీనిని తొక్క, పిక్కలు సహా జామకాయలా తినొచ్చు..
దీనిపై.. ది హ్యాన్స్ ఇండియాలో నా కథనం..

--నాగ్

భక్తరామదాసు బంధీఖానా

గోల్కొండలో కోటలో
బంధీగా వుంటూనే భగవంతుని సేవలో తరించారు రామదాసు..
పైన కనిపిస్తున్న కన్నంలో నుంచే ఆయనకు ఆహార, పానీయాలను అందించేవారట.
అదే వెలుతురు మార్గం కూడానూ..
ఒకప్పుడు సామాన్లు భద్రపరచాడానికి ఉపయోగించిన (అంటే మన స్టోర్ రూం అన్నమాట) గదులని బంధీఖానాగా మార్చి వుపయోగించారట అప్పటి తానీషా.(1672-1787)
ఇది పుక్కిటి పురాణం కాదు.. చరిత్ర..
కనులెదుట సాక్షీభూతంగా నిలిచిన బంధీఖానా..

బంధీఖానాలో వున్న భక్తరామదాసు (కంచర్ల గోపన్న) పూజించిన సీతారామ లక్ష్మణ ఆంజనేయ స్వాములు వీరు.

--నాగ్

అర్థరాత్రి రాములోరి పెళ్లి..

అర్థరాత్రి రాములోరి పెళ్లి..
మీరు సరిగ్గానే చదివారు..
అచ్చంగా అర్థరాత్రి 11 గంటల లగ్నానికి సీతారాముల పెళ్లి..
ఇది గొల్లప్రోలు మండలం చేబ్రోలు సీతారామాలయంలో ప్రతి ఏటా జరిగే శుభకార్యం
సాదారణంగా సీతారామ కల్యాణం మిడసరి లగ్గంలో అంటే.. మధ్యాహ్నం జరుగుతుంది.
భద్రాద్రి అయినా. అన్నారం అయినా.. తిరపతైనా.. ఇదే ముహూర్తం.
అయితే ఒక్క చేబ్రోలులో మాత్రం నిశి వెళ కల్యాణం జరుగుతుంది..
దీనికి ఐతిహాసిక కారణాలు ఏవీ లేవు కానీ
చారిత్రక కారణం మాత్రం వుంది.
చేబ్రోలు పిఠాపురం జమీందారీలో శివారు గ్రామం.
పిఠాపురం మహారాజా రావు వెంకట గంగాధర రామారావు క్రీ.శ 1800లో ఇక్కడ ఆలయాన్ని కట్టించారు.
అలాగే ప్రతి శ్రీరామ నవమికి మహారాజా తన రాజ్యంలోని రామాలయాలు అన్నీ తిరిగి కల్యాణం తిలకించడం ఆనవాయితే..
పిఠాపురం రాజ్యంలో రామాలయాలు అంటే తక్కువేమీ కాదు.
ఈ ఆధునిక కాలంలోనూ వీధికో రామాలయం వుంది..
దీంతో మహారాజా శివారు గ్రామం చేబ్రోలు వచ్చేసరికి రాత్రి అయిపోయేది..
అక్కడి జనం మహారాజు మీద గౌరవంతో ఆయన వచ్చే వరకూ రాములోరిని తాళీ కట్టనిచ్చేవారు కాదు.
మహారాజా ఈ ఆచారాన్ని మాన్పించాలని మొదట్లో అనుకున్నా ప్రజలందరూ.. తమకూ ఈ ముహూర్తమే బావుందని, రైతులు, కూలీలు,, కార్మికులు, చిన్నా పెద్దా.. ఆడా మగా తమ పనులు పూర్తి చేసుకుని చక్కగా.. చల్లగా సీతారామ కల్యాణం చూడటానికి బావుందని మహారాజుకు విన్నవించడంతో మహారాజు కూడా దానికి అంగీకరించి. అర్థరాత్రి ముహూర్తాన్నే ఖాయం చేశారట.
ఇక అప్పటి నుంచీ చేబ్రోలు సీతారాములకు రాత్రి 10 దాటాకే కల్యాణం జరుగుతుంది.
ఈ రోజు కూడా రాత్రి 11 గంటలకు ముహూర్తం..
కల్యాణ క్రతువు జరుగుతోంది..

అన్నట్టు ఒంటిమిట్టలోనూ రాత్రివేళే కల్యాణం అట..
--నాగ్
ఫోటో : చేబ్రోలులో రాత్రివేళ రాములోరి కల్యాణం ఫోటోవులు

నోట్ : నచ్చితే షేర్.. లేకుంటే పరవాలేదు.. కానీ కాపీ మాత్రం వద్దు

చూపు తిప్పుకోనివ్వడం లేదు మరి...ఆ అందం

మరోలా అనుకోకండి
ఆ అందం చూపు తిప్పుకోనివ్వడం లేదు మరి...

చిత్రకారులు ఎం ఎన్ రాయ్ గారట..

--నాగ్

ఈ ఫోటో : సాలార్ జంగ్ మ్యూజియంలో పెయింటింగ్

ఇదేమిటో చాలా మందికి తెలీదు..
బహుశా చూసి కూడా వుండి వుండరు.. smile emoticon

ఇదేమిటో చాలా మందికే తెలిసే వుంటుంది
చూసే వుంటారు.. grin emoticon

తెలిసిన వారు తెలియని వారికి చెప్పండి..
చూసిన వాళ్లు ఇదేేమిటో చెప్పండి.. 

గంజాయి tongue emotico
n

--నాగ్
ఫోటో : పిఠాపురం పోలీసు స్టేషన్లో తీసింది

విగ్రహ ప్రతిష్టాపనా కార్యక్రమం

గొల్లప్రోలు మండలం తాటిపర్తిలో సీతారామ లక్ష్మణ, ఆంజనేయ
పాలరాతి విగ్రహాలను తీసుకొచ్చి అధివాస క్రతువులు ప్రారంభించారు..
శిల్పి తయారు చేసిన విగ్రహాలకు ప్రాణ ప్రతిష్ట చేయడానికి ముందు వాటికి
అధివాస కార్యక్రమాలు చేపడతారు..
జలాధివాసం : విగ్రహాలను ఒక రోజంతా (పగలు రాత్రి) పూర్తిగా జలంలో వుంచుతారు
క్షీరాధివాసం : విగ్రహాలను ఆవు పాలలో వుంచుతారు
ధాన్యాధివాసం : కొత్త ధాన్యంలో విగ్రహాలను నిద్రచేయిస్తారు
పుష్పాధివాసం : పూర్తిగా పుష్పాలలో వుంచుతారు
అనంతరం అధివాస హోమాలు నిర్వహిస్తారు
ప్రాణ ప్రతిష్ట అనంతరం విగ్రహాలను ప్రతిష్ట చేస్తారు..

విగ్రహ ప్రతిష్టాపనా కార్యక్రమం జరుగుతోంది..

--నాగ్

ఫోటో : సీతారామ లక్ష్మణ ఆంజనేయ స్వామి వార్ల విగ్రహాలకు జలాధివాసం చేస్తున్న భక్తులు

ద్రాక్షారామ పంచారామ భీమేశ్వరస్వామి వారి నిజరూప దర్శనం

ద్రాక్షారామ పంచారామ భీమేశ్వరస్వామి వారి నిజరూప దర్శనం
14 అడుగుల స్వామి వారి విశ్వ లింగరూపం
పాదాల నుంచి స్వామి వారి రూపం
ఆ పైనా
స్వామి వారి ముఖం వుంటుంది

--నాగ్
నచ్చితే షేర్ చేయండి..
కాపీ చేయొద్దు..

కొత్త తాటాకులు

వసంతం వచ్చిందనడానికి
మామిడి పూత..
కోయిల కూత..
కురిసే వెన్నెల..
మలయ మారుతం..
ఇవే కాదు
వెండి రేకుల్లా.. కొత్తందాలని పరిచే తాటాకులూ గురుతులే..
అవును చైత్రమాసంలో కొత్త తాటాకులొస్తాయి..
వేసవి కదా.. కొత్త తాటాకులు చల్లదనాన్నిస్తాయి.. కొత్తందాలు సంతరిస్తాయి..
తాటాకులకీ ఓ వాసనుంది.. చక్కని.. కమ్మని సువాసన..
తాటాకులకీ శబ్దం వుంది.. తొలి వాన చినుకుల చిటపటలకు అది స్పందిస్తుంది..

రాములోరి కల్యాణానికి ఆ కొత్త ఆకులతో పందిరేసి..
ఇక అప్పటి నుంచి ఇళ్లకు కొత్తాకు ఎత్తుతారు..
ఇప్పుడంటే కాంక్రీటు జంగిల్.. అన్నీ శ్లాబులూ.. అపార్టుమెంట్లూనూ..
మచ్చుకు ఒక్క తాటాకు ఇల్లూ కనిపించదు..
అయితే మా ప్రాంతాల్లో ఇంకా అక్కడక్కడా పూరిళ్లు వున్నాయి..
వాటికి కొత్తాకులు వేస్తారు..

ఇదిగో సీతారామ కల్యాణానికి కొత్త తాటాకులు అప్పుడే గ్రామాల్లో వచ్చేశాయి..
ఏడ్లబళ్లపై తరలి అచ్చేశాయి..
అన్నట్టు కొత్త తాటాకులతోనే విసన కర్రలు చేసేది.. పాతపడితే అవి ఒంగవు మరి

--నాగ్

ఫొటో : సీతారామ కల్యాణానికి పందిరి కోసం తెచ్చిన

కొత్త తాటాకులు

రామా ఫలం

రామా ఫలం ఎరుపు రంగులో నున్నగా వుండే రామా ఫలం ద్రాక్షారామ వెళ్లే దారిలో ఎక్కువగా కనిపిస్తోంది.. రోడ్డుపై పోగులు పెట్టి మరీ అమ్ముతున్నారు. ఒక్కో పండూ రూ.15/- అయితే చిన్నవి ఇంకా ధర తగ్గుతున్నాయి..
దీన్ని నెట్టెడ్‌ కస్టర్డ్‌ యాపిల్‌, బుల్లక్‌ హార్ట్‌, బుల్‌ హార్ట్‌ అని కూడా పిలుస్తారట.
తియ్యని వాసనతో మధురమైన రుచిని కలిగి ఉండే రామా, సీతా, అక్ష్మణా ఫలాలు నిజానికి మన దేశానివి కాదట ఐరోపా దేశాల నుంచి పోర్చుగీసు వారు 16వ శతాబ్దంలో తీసుకొచ్చారట.
వారికి మన ఐతిహాసం రామాయణం మీద వున్న అనురక్తితో ఒకే జాతికి చెందిని ఈ మూడు ఫలాలకీ స్థానికంగా వారి పేర్లు పెట్టారు.. , రామా ఫలంలో గుంజు ఎక్కువ పిక్కలు తక్కువ . మిగిలినవాటితో పోలిస్తే ఇందులో యాంటీ ఆక్సిడెంట్లు ఎక్కువగా ఉంటాయట.
అలసిన శరీరానికి చాలా త్వరగా ఉత్తేజాన్ని ఇస్తుందట.
మరో విశేషం ఏమంటే.. ఈ ఫలంలో క్యాన్సర్ కణాలను నివారించే లక్షణాలు వున్నాయని శాస్త్రవేత్తలు గుర్తించారు. అలాగే మలేరియా ను నివారించే గుణం కూడా ఈ పండుకి ఎక్కువే. నరాల వ్యాధులు, తలనొప్పి వంటివి రాకుండా కాపాడేందుకు తోడ్పడుతుంది. పోషకాలు, పీచు, సి విటమిన్, బి - కాంప్లెక్స్ సమృద్ధిగా వుంటుందట. పైరిడాక్సిన్‌ ఇందులో సమృద్ధిగా ఉంటుందట. ఈ పైరిడాక్సిన్‌ మెదడు కణాలకు అవసరమైన రసాయనాల్ని స్థిరంగా ఉంచేందుకు దోహదపడుతుందని గూగుల్ సమాచారం.
ప్రస్తుతం ఇవి మన సూపర్ మార్కెట్లలో కూడా దొరికేస్తున్నాయి అనుకోండి..
నేను మాత్రం ద్రాక్షారామా రోడ్డులో కొన్నాను

--నాగ్
నోట్ : కాపీ వద్దు.. షేరే ముద్దు.

ద్రాక్షారామం.. సర్ప శిల్పం..

భారతీయ శిల్ప కళా వైభం మన ఆలయాల్లో ప్రతిబింభిస్తూ వుంటుంది..
నిజానికి మన ఆలయాలను కాపాడుకోవడం అనేది
ఆధ్యాత్మికంగానే కాదు.. మన కళలను సంరక్షించుకోడానికి కూడా..
ప్రతి ఆలయంలో ఏదో ఒక ప్రత్యేకత..
నాటి మహానుభావుల గొప్పతనం..
కళా ఔన్నత్యం గోచరిస్తాయి..
అనిర్వచనీయమైన ఆనందాన్నిస్తాయి..
ఆశ్చర్యం గొలుపుతాయి..
అబ్బురం అనిపిస్తాయి..
ద్రాక్షారామం ఆలయం పశ్చిమ గోపురం స్థంభం మీద..
ఈ శిల్పం అధ్బుతమనిపించింది..
మొత్తం రాయి మీద.. చిన్న గీతలా సర్పం..
పట్టి చూస్తే..
తడిమి చూస్తే గానీ కనిపించనంతటి చిన్న సర్ప శిల్పం..
ఆ సర్పం కోసం శిల్పి మొత్తం రాతిని చెక్కాలి..
చిన్నపాటి తేడా వచ్చినా..
శిల్పి కష్టం బూడిదలో పోసిన పన్నీరే..
అది చెక్కడానికి ఎంత నిష్ట.. శ్రద్ద.. ఓపిక కావాలో కదా..
మహానుభావులు అందించిన సంపదని కాపాడుకోడానికి ఆ మాత్రం శ్రద్ధ, ఓపిక మనకి కనిపించడం లేదు..
ఈసారి ద్రాక్షారామం వెళ్తే.. తప్పకుండా ఈ శిల్ప కళా వైభవాన్ని చూడండి..
భక్తి సరే..
కూసింత కళా పోసన కూడా వుండాలి కదా..

--నాగ్
ఫోటో : ద్రాక్షారామ దక్షణ గోపురం స్థంభంపై శిలా సర్పం.. నా వెనుక వున్న స్థంభం పై

నోట్ : కాపీ వద్దు.. షేరే చేయండి.