నే విజేతను

// నే విజేతను //
ఆ ఆకాశ హార్మ్యంలో..
ఆ మూల గదిలో..
నీ రాక కోసం ఎదురు చూస్తూ..
నేను దీనంగా
మేళ తాళాల విజయగీతికల మధ్య..
నీ పిలుపు కోసం ఆశగా..

చుట్టూ వందిగామాదులు..
నే ఒంటరిగా..
స్త్రోత్రపాఠాలు.. పలకరింపులు.
నే మూగగా..

ఎవరోయి నీవు..
అన్నీ వున్న నన్ను
నీ ముందు మోకరిల్లేలా చేశావు..
ఏమీ కానను కున్న నన్ను..
నీ హృదయ సింహాసనంపై నిలిపావు..
నీ మునివేలి స్పర్శ ఇచ్చిన దైర్యంతో చెబుతున్నా..
నే విజేతను..

నీ హృదయ సామ్రాజ్యానికి నేనే పాలికను
ఒంటరి స్వర్గానికి అధినేతను..
నే విజేతను

-- సరిదే నాగ్