పురాతన బురుజు గూడు నుంచి

పురాతన బురుజు గూడు నుంచి
పక్షుల్లా..
నా శిథిల మస్థిష్కం నుంచి జ్ఞాపకాలు ఎగిరిపోతున్నాయి..
గమ్యం లేక..
సుడిగాలిలో చిక్కుకున్న ఎండుటాకుల్లా..
వాటి రెక్కల చప్పుళ్లల్లో నా గుండె చప్పుడు..

పోతున్నాయి..ఎగురుతూ
వాటిని పట్టి ఆపాలని
నా హృధిలో బంధించాలని నే చేస్తున్న ప్రయత్నం..
ఒక యుద్దమే..
కళ్ల వాకిలి నుంచి.. దారగా.. నీళ్లు..
లావాలా.. నా చెక్కిళ్లను కాల్చేస్తూ..

ఎలా అర్థమౌతుందీ..
జ్ఞాపకాలు శూలాలై గుచ్చుతాయని..
జ్ఞాపకాలు అగ్నిశిఖలై కాల్చుతాయని..
మనసు పొరల్లో విస్పోటనం కలిగిస్తాయని..
గుండెను మెలిపెట్టి వికటాట్టహాసం చేస్తాయని..
అయినా..
వాటిని పట్టి ఆపాలని ప్రయత్నిస్తున్నా..
నాలోనేనే.. అలుపెరగని పోరాటం చేస్తున్నా..
లోహ ఖగాల గోళ్లల్లో చిక్కుకుని ఆర్తనాదం చేస్తున్నా..
ఎగిరిపోతున్నాయి.. జ్ఞాపకాల పక్షులు..
శిథిల హృది నుంచి

-- సరిదే నాగ్