జగన్నాటకం..

రుద్రభూమిలో శవాల యుద్దం
ఆరడుగుల నేల కోసం..

చెట్టుపై రాబందుల గోల
పీనుగలో వాటా కోసం

గుడిమెట్లపై ముష్టివాళ్ల పోట్లాట
అడుక్కునే జాగా కోసం

బురదలో జలగల పోటీ..
పశువుల రక్తం పీల్చడం కోసం

వీధిలో కుక్కల అరుపులు..
ఎంగిలి విస్తరి కోసం..

చీకట్లో చీరల కన్నీటాట..
నాలుగు కాసుల కోసం..

రోడ్డుపక్కన చిన్నారుల భిక్షాట
పిడికెడు మెతుకుల కోసం..

జగమంతా .. ఆరాటం..పోరాటం..
దారిద్ర రక్కసి వికటాట్టహాసం..
.........
ఇవన్నీ చూస్తూ.. భగవంతుని
జగన్నాటకం.. అదీ ఆటే..

-- సరిదే నాగ్ (2015)