మనం కవలలం..

మనం కవలలం..
పుట్టుకతోనే మన పక్కనే ..
చావునీ తోడు తెచ్చుకున్నాం..
అందుకే .. మనం
చావు పుట్టుకల కవలలం

ప్రతియేడూ పెరిగే పెద్దరికం..
చావుకు దగ్గర తనం
తెలియక గొప్పగా అనుకుంటాం..
ప్రేమను అణిచేసి.. పెత్తనం చెలాయిస్తాం..
ఎంత సంపాదించినా.. ఎన్ని సాధించినా..
మృత్యువును తప్పించుకోలేం..

అందుకే..
మంచిని చేద్దాం..
మనసులు గెలుద్దాం..
మనం లేకున్నా..
మన రూపాన్ని.. భావాల్ని..
మనవాళ్ల మదిలో వదిలి వెల్దాం

-- సరిదే నాగ్