సాధ్యం అయితే ప్రయాణం చేయాలి

సాధ్యం అయితే ప్రయాణం చేయాలి
సూట్ కేసులు.. తినుబండారాలు.. వాటర్ బాటిల్స్ ఇవేవీ లేకుండా..
అప్పగింతలు.. ఒప్పందాలు.. కాకుండా..
ఇగోలు.. కోపతాపాలు.. టిక్కెట్లు గట్రా లేకుండా..
ఎవరో చూస్తున్నారని.. ఏదో అనుకుంటారని.. ఇంకేదో ఫీల్ అవుతారని.. అనుకోకుండా..
ప్రయాణం కట్టాలి..
మనలోనికి.. లోలోనికి..
అన్నీ వదిలి..
వెలుగు నిండిన మనసుతో..
నిండా వెలుగుతో..
తొణికిసలాడే ప్రేమతో..
ప్రయాణం చేయాలి..
పెదవిపై చిరునవ్వు..
ముఖంపై ఆనందపు వెలుగు..
హృదయం నిండా నువ్వు..
వెళ్లాలి..
లోలోపలికి..
అన్నీ మరిచి..
అన్నీ వదిలి..
నీ చేయందుకుని..
ఎవరూ లేని తావులకి..
భూమాకాశాలు కనిపించని లోకాలకి..
పయణమవ్వాలి..
నువ్వొస్తావా..

పిచ్చి ప్రశ్న..
నువ్వు రాకుండా నేను వెళ్లలేనుగా

-- సరిదే నాగ్