కొత్త బంగారు లోకం

తిరగని గడియారం..
శభ్దం వచ్చే ఫ్యాను
శొట్టపడిన మరచెంబు..
చూరులో పిచ్చికల రొద..
దేవుడి పటం దగ్గర సగం కాలిన అగరొత్తి
గదిలో నువ్వు నేనూ..

నలభైయేళ్లుగా..
నాకు నువ్వు.. నేను నేనే..
అదే ప్రపంచం..
చిరాకులు.. పరాకులు
ప్రేమ పలవరింతలు.
ప్రతిదినం.. అనుక్షణం..
కొత్తగా మలచుకుంటూ..
ప్రతిరోజూ కొత్త కాపురం
ప్రేమైక జీవనం..

బ్రేకప్ లు.. భేషజాలు లేని ప్రపంచం
జీవన సంద్రం.. కష్టాలతో చిలకరిస్తే..
ప్రభవించిన ప్రేమామృతం..
ముదివయసు ప్రేమికుల
కొత్త బంగారు లోకం

----సరిదే నాగ్