జనం నైజం

// జనం నైజం//
అంతా.. అది గమనించారు..
ఇదేమిటీ అనుకున్నారు..
ఇంత దారుణమా అని కూడా..
అడ్డుకోవాలనుకున్నారు..
అసలు ఇది ఊరా వల్లకాడా..
కొందరు గొణుక్కున్నారు..
అడగాల్సిందే యువకుల ఆవేశం..
అడ్దుకోవల్సిందే యువతుల ఆక్రందన..
అయ్యో.. కలికాలం.. వృద్దుల వైరాగ్యం..
పాపమమ్మా.. ఇదెక్కడి అన్యాయం.. దీర్గం తీసిందో అమ్మ..
పది నిమిషాలు గడిచింది..
......
ఏమీ మారలేదు..
ఎవరి అడుగూ పడలేదు..
ఎవరి నోరూ పెగలలేదు..
అంతా ఎవరి పనుల్లో వాళ్లు..
కాలం కదిలి పోతోంది..
అన్యాయం.. అదుపు లేకుండా జరిగిపోతోంది..
మళ్లీ కొత్త జనం..
ఇదేమిటీ.. ఇంత దారుణమా..
మళ్లీ మామూలే..
జనం.. గొర్రె మొహం జీవులే..
--సరిదే నాగ్