కాపాడుకుంటా..

దిక్కులు పిక్కుటిల్లేలా అరవక్కర్లేదు..
ఊపిరి బిగపట్టి.. బాకా ఊదక్కర్లేదు..
బలమంతా ఉపయోగించి నగారా మోగించక్కర్లేదు..
నువ్వసలు పెదవి విప్పనే వద్దు..
కనురెప్ప ఎత్తి.. చూస్తే చాలు..
పెదవి చివర చిరునవ్వు చాలు..
వేల పిలుపులు.. మరెన్నో .. సందేశాలు..
అది చాలు..
సైన్యమై నీ వెనుక నడుస్తా..
ధుర్గమై నిన్ను కాచుకుంటా..
దూసుకొచ్చే శర పరంపరకు నా హృదయం డాలును చేస్తా..
కవచమై.. నిన్ను దాచుకుంటా..
కాపాడుకుంటా..

-- సరిదే నాగ్