కోనేట్లో ఈ రాయి తేలుతూ కనిపిస్తోంది.

సీతమ్మ లంకలో రావణుని చెరలో వుందని తెలుసుకున్న రాముడు వానర సైన్యంతో లంకపైకి దండయాత్ర చేస్తాడు.

ఆ సమయంలో లంకను చేరుకోడానికి సముద్రం దాటాల్సి వస్తుంది. అపుడు అక్కడ వున్న రాళ్లను సముద్రంలో వేసి వానరుల సాయంతోనే వారధిని నిర్మిస్తాడు రామచంద్రుడు.  తమిళనాడు రాష్ట్రం రామేశ్వరంలో ఆ రాళ్లు మనకు కనిపిస్తాయి. పెద్ద పెద్ద బండలని నీళ్లల్లో వేసినా అవి తేలుతుంటాయి.

ప్రత్యేకమైన స్పాజిల్ తరహా రాళ్లు కావడంతో అవి తేలుతున్నాయని శాస్త్రవేత్తలు చెప్పారు. అది వేరే విషయం.

నీటిలో తేలే ఆ రాళ్లు రామేశ్వరంలో మాత్రమే కనిపించేవి. అయితే తూర్పుగోదావరి జిల్లా గాదరాడలో ఓం శక్తి పీఠం వద్ద  ఇటీవల సుమారు 46 ప్రసిద్ద దేవాలయాల నమూనాలను నిర్మించారు.

అక్కడ ఈ రాయిని కూడా సందర్శకుల కోసం వుంచారు.

అక్కడి కోనేట్లో ఈ రాయి తేలుతూ కనిపిస్తోంది. వీలుంటే.. ఆసక్తి వుంటే వెళ్లి చూడండి ఈ నీటిలో తేలే రాయిని

ఇది రాజానగరం జంక్షన్ నుంచి కి. మీ. 13

ధన్యవాదాలు

-- సరిదే నాగ్

ఫోటో : కోనేట్లో తేలుతున్న రాయి

నోట్: నచ్చితే షేర్ చేయండి కాపీ మాత్రం చేయొద్దు

భద్రాచలం క్షేత్రం పర్ణశాల

పిచ్చి పది రకాలట..
అవేమో కానీ..
విషయంలోకి వస్తే..
పిల్లలు లేని దంపతులు.. ఈ చెట్టుకు ఊయల కడితే పిల్లలు పుడతారని నమ్మకం..
ఇలానే చాలా పుణ్యక్షేత్రాల్లో చెట్లకు ఊయలలు కడుతుంటారు. 
అలాగే పర్ణశాల వద్ద చెట్టుకు కూడా చాలా మంది ఊయలలు వేశారు.
సరే ఎవరి నమ్మకం వాళ్లది..
కానీ
పాలిథిన్ కవర్లతో ఊయలలు వేసారు..
చెట్టుకు కట్టిన ఊయలలో సగానికి పైగా పాలిథిన్ సంచులే..

భద్రాచలం క్షేత్రం పర్ణశాల వద్ద ఈ చెట్టును చూశాక నిజమే అనిపించింది.

నిజానికి
చంటి బిడ్డకు ఎలా అయితే పాతచీరను ఊయల చేస్తారో అలా చిన్న గుడ్డ పీలికను ఊయలలా వేలాడ తీస్తారు..
హైటెక్ భక్తులు ఎక్కువై..
భక్తిలోనూ.. కోరికలలోనూ ఆధునికతను జోడించేస్తున్నారు..
రేపు పుట్టే పిల్లలు కూడా .. కేర్ కేర్ మనేవాళ్లు కావాలని మొక్కుకుంటారో..
లేక హైటేక్ స్టైల్ లో పుట్టగానీ మమ్మీ.. డాడీ అంటూ నేరు ఇంజనీరింగ్ క్లాస్ లకు వెళ్లేవాడు పుట్టాలని కోరు కుంటారో మరి..
కలికాలం.. !!

-- సరిదే నాగ్

ఫోటో : భద్రాచలం పర్ణశాల వద్ద తీసిన ఫోటో

ద్రాక్షారామ నమూనా అలయం

ద్రాక్షారామ ఆలయ నిర్మాణ సమయంలో శిల్పులు ఆలయం ఎలా నిర్మించాలా అని చర్చించుకుని ఒక నమూనా ఆలయాన్ని చెక్కారట.
ఇప్పట్లో కాగితం మీద ప్లాన్లు గీచి.. ఆ తర్వాత నిర్మాణం చేపట్టడం మన ఇంజనీర్ల అలవాటు
అయితే అప్పట్లో శిల్పులకు ఈ అవకాశం లేదు. వారు నేరుగా నిర్మాణ స్థలాన్ని పరిశీలించి ఒక ప్రణాళీకను అనుకుని, ప్రధాన శిల్పి అధ్యక్షతన మిగిలిన శిల్పులు చర్చించి ఒక నిర్ణయానికి వచ్చి నిర్మాణం ప్రారంభించేవారట.
ఆ క్రమంలో ద్రాక్షారాయ ఆలయ నమూనాను కూడా ముందుగా చెక్కి చూసుకుని ఆపై ప్రధాన అలయాన్ని నిర్మించారట.
ఇదిగో అదే ఆ

నమూనా అలయం. లోపల భీమేశ్వరుడు మినహా.. ఈ బుల్లి ఆలయం ప్రధాన ఆలయాన్ని పోలి వుంటుంది

-- సరిదే నాగ్

ఫోటో : ద్రాక్షారాయం ఆలయంలోని నమూనా ఆలయం

నోట్ : నచ్చితే షేర్ చేసుకోండి.. కాపీ మాత్రం చేయొద్దు

కోరుకొండ.. ఈ ఆలయాన్ని దేవతలు నిర్మించారని చెబుతారు

కోరుకొండ.. ఈ ఆలయాన్ని దేవతలు నిర్మించారని చెబుతారు
ఆలయం దర్శిస్తే దీనిని నిర్మించింది దేవతలు కాకపోయినా.. నిర్మించినవారు దేవతలే అనిపిస్తుంది
సుమారు 370 మెట్లు వున్న కొండపైన ఈ ఆలయం నిర్మించడం నిజంగా అద్భుతమే.
ఆలయం మూడు వైపులా శిల్ప సంపద అబ్బుర పరుస్తుంది.
దశావతారాలు, రామాయణ దృశ్యాలు, నృత్యాలు ఈ గోడలపై చెక్కారు.
ఒక్కో రాయిపై ఒక్కో శిల్పాన్ని చెక్కారు.
జీవం ఉట్టిపడేలా శిల్పాలు వున్నాయి.
తూర్పుగోదావరి జిల్లాలో తప్పని సరిగా చూడాల్సిన ఆలయం ఇది.
మెట్లు నిటారుగా చాలా ఇబ్బందిగా వుంటాయి. చాలా చిన్నవి కూడానూ..
ఈ మధ్య ఇనుప పైపులు ఊతంగా ఏర్పాటు చేశారు కానీ గతంలో అవి కూడా వుండేవి కావు.
పైన స్వామి వారి ఆలయం గురించి మరో పోస్టులో :D

-- సరిదే నాగ్

ఫోటో : కోరుకొండ లక్ష్మీ నరసింహస్వామి వారి ఆలయం

కోరుకొండ ఆలయం

కోరుకొండ ఆలయం
ఎతైన కొండపైన స్వామి కొలువు తీరి వున్నారు.
స్వామి వారి గర్భాలయంలో లక్ష్మీనారసింహస్వామి కొలువు తీరి వుంటారు.
అయితే అదే గర్భాలయంలో దక్షిణ ముఖంగా కేవలం అడుగు ఎత్తున ఏక శిలా ఆలయం వుంటుంది
ఈ ఆలయాన్ని దేవతలు నిర్మించారని స్వామి ఆలయం సహా స్వయం భూః గా వెలిశారని అర్చక స్వామి వివరించారు.
ఈ ఆలయంలో స్వామిని ఒంగొని చూడాలి.
అంత చిన్న రాతి ఆలయంలో స్వామి వారి విగ్రహాన్ని.. ఆయన తొడపై ఆశీనురాలైన లక్ష్మీ దేవిని ఎలా ఏర్పాటు చేశారు అనేది నిజంగా అద్భుతమే. ఈ ఆలయానికి రెండు వైపులా శంఖు చక్రాలు ద్వారపాలకులుగా చెక్కారు.
పైగా స్వామి ఆలయం సహా స్వయం భూః కాబట్టి దేవతల చేత నిర్మితమైన ఆలయంగా దీనిని చెబుతున్నారు.
ఇంత ఎత్తైన కొండపైకి శిలల్ని తరలించడం ఆశ్చర్యమే.
ఇక ఈ ఆలయం చేరుకోవాలంటే 360 కి పైగా మెట్లు ఎక్కి రావాలి. అతి చిన్న మెట్లు అవి.
ఆలయంలో మరో పక్క లక్ష్మీదేవి ఆలయం వుంటుంది.
అలయం చుట్టూ శిల్పాలు అబ్బుర పరుస్తాయి. జీవ కళతో అలరారుతుంటాయి.
కళాభిమానులు తప్పకుండా చూడాల్సిన ఆలయం కోరుకొండ లక్ష్మీనారసింహుని ఆలయం
కొండ దిగువున స్వామి వారిని ప్రతిష్టించారు. కొండ ఎక్కలేని వారు స్వామిని దర్శించుకునే వీలు కల్పించారు.
దేవస్థానం అన్నదాన కమిటీ ఇక్కడ భక్తులకు అన్న ప్రసాదాలు అందిస్తున్నారు.

ఈ ఆలయం రాజానగరానికి సుమారు 14 కి. మీ.

-- సరిదే నాగ్

ఫోటో : గర్భాలయంలో దేవతలు నిర్మించినట్టు చెప్పబడుతున్న స్వయం భూః ఆలయం

నోట్ : నచ్చితే షేర్ చేయండి.. కాపీ మాత్రం చేయొద్దు

కోరుకొండ ఆలయంలో శిల్పా కళా వైభవానికి ఇదొక మచ్చుతునక..

కోరుకొండ ఆలయంలో శిల్పా కళా వైభవానికి ఇదొక మచ్చుతునక..

రామ రావణ యుద్ద ఘట్టం కళ్లకు కట్టినట్టు చెక్కారు ఆనాటి శిల్పులు

రాముడు, దశకంఠుడు రథాలపై వచ్చి , ధనుస్సులు ఎక్కుపెట్టి శరపరంపర కురిపించిన ఘట్టాన్ని కడు రమ్యంగా చెక్కారు
రాముడు, రావణుడు వేసిన బాణాలు వారి మధ్య ప్రయాణిస్తున్న తీరును..
రాముని బాణాల తాకిడికి నేల రాలిన రావణుని శరస్సులు ఈ శిల్పంలో చూడొచ్చు
ఇలాంటి ఎన్నో ఘట్టాలు ఇక్కడి గోడపై దర్శనమిస్తాయి

-- సరిదే నాగ్

ఫోటో : కోరుకొండ ఆలయం గోదపై రామ రావణ యుద్ద ఘట్టం
నోట్ :వివరాలు నచ్చితే షేర్ చేయండి.. కాపీ చేయొద్దు

తూర్పుగోదావరి జిల్లాలోనూ జ్యోతి దర్శనం

తూర్పుగోదావరి జిల్లాలోనూ జ్యోతి దర్శనం
---------------------------------------------------
జ్యూతి దర్శనం అంటే మనకు గుర్తొచ్చేది కేరళ లోని శబరిమలై అయ్యప్ప జ్యోతి దర్శనం.
అయితే తూర్పుగోదావరి జిల్లాలోనూ భగవానుడు జ్యోతి స్వరూపునిగా దర్శనం ఇచ్చే క్షేత్రం వుందంటే నమ్మగలరా..
అదే కోరుకొండ మండలం కణుపూరు శైవ క్షేత్రం.
ఈ క్షేత్రంలో భ్రమరాంభా సమేత పంచముఖ మల్లికార్జున స్వామి వారు. స్వామి స్వయం భూః లింగం
362 మెట్లు ఎత్తైన కొండపై వెలిశారు. శివలింగం ఫోటోలో చూపిన విధంగా అయిదు ముఖాలతో వుంటుంది.
ఇక్కడి మహత్యం ఏమిటంటే.. ప్రతి శివరాత్రికీ స్వామి వారు జ్యోతి స్వరూపునిగా భక్తులకు దర్శనమిస్తారట.
శివరాత్రి రోజు నుంచి ఇక్కడ అయిదు రోజులు ఉత్సవాలు చేస్తారు. ఈ అయిదు రోజుల్లో రాత్రి 11 గంటల నుంచి తెల్లవారు జాము 1 గంటలోగా ఈ జ్యోతి కొండపై కనిపిస్తుందట. ఆ దర్శనం కోసం చుట్టుపక్కల గ్రామాల ప్రజలు కొండపైనా, దిగువునా కాచుకుని వుంటారట. అక్కడే మకాం వేసి వుంటారట. జ్యోతి దర్శనం ఎప్పుడు అయితే అప్పటితో శివరాత్రి ఉత్సవాలు ముగుస్తాయి.
లేదంటే కనిపించే వరకూ అయిదు రోజులపాటు కొనసాగుతాయట.
ఒక కొండపైన స్వామి వెలిశాడు. అక్కడికి చేరుకోవాలంటే సుమారు 362 మెట్లు ఎక్కాల్సిందే.. మరో మార్గం లేదు. మెట్లు ఈ మధ్యనే అభివృద్డి చేశారు.
శివరాత్రి అయిదు రోజులూ కొండంతా జనమే.
మామూలు రోజుల్లో మధ్యాహ్నం వరకూ మాత్రమే ఆలయం వుంటుంది
మిగిలిన సమయాల్లో నిర్మానుష్యమే. ఎవరైనా భక్తులు వస్తే అక్కడ అర్చక స్వామి సెల్ నెంబర్ రాసి వుంటుంది ఫోన్ చేస్తే ఊర్లో నుంచి వస్తారాయన.

ధన్యవాదాలు

-- సరిదే నాగ్

ఫోటో : పంచముఖ మల్లికార్జున స్వామి వారు. కొండపైకి వెళ్లే మెట్ల మార్గం, ఆలయం