పిడికిలి పిడుగులు కురిపించడం తెలుసా..

పిడికిలి పిడుగులు కురిపించడం తెలుసా..
కంటి చూపుతో.. మెరుపులు..
స్వరపేటికతో ఉరుములు..
ఊపిరితో వడగాల్పులు సృష్టించడం తెలుసా..
అదిగో చూడు..
బిగించిన పిడికిలితో తుపానులా..
గర్జిస్తున్న ఉప్పెనలా
కదిలొస్తూ.. కదం తొక్కుతూ..
ఎర్రదండొస్తోంది అదిగో..
ఇనుప చక్రాలు తిప్పిన చేతులు..
కర్ర జెండా పట్టి..
కలాలతో కుస్తీపట్టిన వేళ్లు..
బలంగా బిగించి..
అడుగు అడుగులో గంభీరం..
ప్రతి నడకలో పోరాటతత్వం..
పని మాదీ .. బతికే హక్కు మాది..
విధి మాదీ.. విధినెదిరించే తెగువ మాది
ఊపిరితో వడగాల్పులు సృష్టించి..
కదలికతో నిప్పు రవ్వలు రగిలించి..
వస్తుందదిగో.. కార్మిక దండు..

వస్తు, సేవల సృష్టికర్తలం మేం..
అణిచేసే చట్టాలు చెల్లవు..
కత్తెరేసే జీవోలూ నిలబడవు..
ఒకే రోజు సెప్టెంబరు 2
ఒకే గంట.. అదే రోజు..
వేలు.. లక్షలు.. కోట్లు.. కార్మికులు.
గొంతెత్తి అరిస్తే.. పెడబొబ్బ పెడితే..
ఎక్కడా చిత్తుకాగితాలు..
ఏవీ మీ ఆదేశాలు.. పిపీలికాలు కావూ..

--నాగ్