విచారం సొంతపేరైనట్టు..
ఎవరో మీ వందకోట్ల ఆస్తై దొబ్బేసినట్టు.
ఏందుకా విచారం..
ఓడిపోతే ఏమైందీ..
ఆట అయిపోలేదుగా..
జారిపోతే ఏమైంది..
పైకే లేచే సమయం వుందిగా
మునిగిపోతే.. ఏమైందీ
ఎదురీదే శక్తి వుందిగా
పడిపోతే.. లేవలేమా
పరుగెత్తి చూపమా..
గేలి చేసిన చోటే.. గెలిచి చూపాలి
గట్టుదాటలేనని కెరటం ఆగుతుందా..
ఉప్పెనై.. ముంచెత్తదా
పదిమంది అన్నమాట చెల్లేది..
పాత రోజుల్లో
నీవన్నదే జరిగాలి.. ఈ జమానాలో
ఏదైనా నీ చేతిలోనే..
రేఖలు కాదు.. చేతలు నమ్ముకో
కొడితే దిమ్మతిరగక్కర్లేదు..
నీ జీవితం సాఫీగా సాగితే చాలు
ఓటమి నిప్పైతే..
నిరాశ గాలిలా తోడవుతుంది..
అందుకే నిశ్శత్తువను తొక్కేసి..
ముందుకు ఉరికితే..
ఓటమి తోకముడుస్తుంది
గెలుపు నీ ఇంటి కుక్కవుతుంది
లేదు..కాదు.. అవదు.. మాటలు
నీకు సూటు కావు నేస్తం
మొదలెట్టు..
అటో ఇటో ఎటో వైపు
---నాగ్
No comments:
Post a Comment