ప్రేమా.. నెరజానవే..

ప్రేమా.. నెరజానవే..
మరవాలని ప్రయత్నించిన ప్రతిసారీ..
గుర్తు చేస్తూనే వుంటావ్
గుర్తొచ్చిన ప్రతిసారీ..
కన్నీరవుతావ్..
నీకోసం కన్నీరించిన వాళ్ళకు
కనుమరుగవుతావ్,,
కనిపించని వాళ్ళని కావాలంటావ్
కళ్ళముందు ప్రేమను కసురుకుంటావ్
ఏముందని మురిపిస్తావ్..
ఏం లేదని మరిపిస్తావ్
అప్పుడే కోపం రప్పిస్తావ్
అంతలోనే కావాలనిపిస్తావ్
ఏమైనా నీవే గెలుస్తావ్..
నన్ను ఓడించి గెలిపిస్తావ్
ఓటమిలోనూ ఆనందం
బాధలోనూ భావుకత్వం
నీకే సాధ్యం.. ఏమైనా
ప్రేమా నెరజానవే..
-నాగ్