రాకోయి.. అనుకోని అతిథి..

రాకోయి.. అనుకోని అతిథి..
నిజమే..
ఇలాంటి అతిథులు రాకుండా వుంటానే మంచిది
ఆ మధ్య చాలా పెద్ద జెర్రి వచ్చింది..
అదే వచ్చింది నేను రాకపోతే ఎలా అనుకుందో ఏమో..
తేలు గారు కూడా ఇదిగో పది నిమిషాల క్రితమే మా ఇంటికి వేంచేశారు..
సరే.. చెప్పు సత్కారం చేశామనుకోండి..
తేలు మృతదేహాన్ని మా చెల్లి పెరట్లో కప్పెట్టింది..
ఎందుకంటే.. కొన్ని రోజులు పోతే అక్కడ తేలు పూసలు వస్తాయట.
అవి చిన్నపిల్లల మొలలో కడితే.. గాలీ ధూలి, దిష్టి ఇత్యాది వి సోకవట.
సరే.. మూఢనమ్మకం మాట అటుంచి..
తేలు గారి మృతదేహానికి ఈ విధంగా అయినా అంత్యక్రియలు జరిగినందుకు ఆనందించాను..
వారు స్వర్గానికి వెళ్తారో.. నరకానికి వెళ్తారో తెలీదు కానీ..
మరోమారు మాత్రం మా ఇంటికి రారు..
ఇప్పుడు ఇంకో భయం పట్టుకుంది..
మొన్న జెర్రి.. ఈరోజు తేలు.. రేపు పాము గానీ వస్తుందేమో.. ఖర్మ..
--నాగ్