ప్రాణం పోసుకుని..
ప్రసవం పేరిట విడివడి..
లేచి నిలుచుని.. బిడ్డ అయ్యింది..
అప్పటి వరకూ దాని ముఖం కూడా తెలీదు..
గుర్తు కూడా పట్టలేదు..
భూమి మీద పడగానే తల్లి ప్రేమ..
తన నుంచి తన బిడ్డను తీసుకెళ్తుంటే..
తల్లి ఆగగలదా..
పరుగున వస్తోంది.. బిడ్డను చూసి..
ఆ రైతుకు మాత్రం తెలీదూ..
కన్న పాశానికి మించిన బంధనం లేదని
అందుకే తల్లికి పలుపు తాడు సైతం వేయలేదు..
----------
(శనివారం పిఠాపురంలో సంత.. ఇక్కడ సూడిద గేదెలను అమ్మకానికి తీసుకొస్తారు. కొన్ని పశువులు సంతలోనే దూడలను ఈనుతాయి.. (అందుకే సంతలో జున్నుపాలు ఎక్కువగా దొరుకుతాయి) గేదెను కొన్నవారు.. దగ్గర ఊరి వాళ్లైతే అప్పుడే పుట్టిన దూడను రిక్షాలోనో.. ఆటోలోనో తీసుకు వెళ్తారు.. తల్లి ఆ దూడను వెంబడే ఇంటికి వచ్చేస్తుంది.. అప్పటి వరకూ తెలియని బిడ్డపై ఆక్షణం నుంచే తల్లికి వున్న ప్రేమ ఎంతటిది అంటే.. రిక్షాకు, ఆటో రిక్షాకు ధీటుగా అది బిడ్డను వెంబడిస్తుంది..
శనివారం కనిపించిన దృశ్యం కథనం ఇది..
ధన్యవాదాలు
--నాగ్
No comments:
Post a Comment